ब्रेकिंग

महाराष्ट्र

नाशिक जिल्ह्यात ठाकरे गटाला धक्का

Samruddhi Dhayagude
30 May 2025

निर्मला गावित यांचा शिंदे गटात प्रवेश

मुंबई : शिवसेनेचे (उध्दव ठाकरे) इगतपुरीच्या माजी आमदार निर्मला गावित यांनी समर्थकांसह ठाणे येथे उपमुख्यमंत्री एकनाथ शिंदे यांच्या उपस्थितीत शिवसेनेत (शिंदे गट) प्रवेश केला. यावेळी येवल्यातील दराडे समर्थक आणि इगतपुरीतील गावित समर्थक, ठाकरे गटाचे पदाधिकारी व महिला मोठ्या संख्येने उपस्थित होत्या.

दिवंगत केंद्रीय मंत्री आणि काँग्रेसचे ज्येष्ठ नेते माणिकराव गावित यांची कन्या निर्मला गावित यांनी काँग्रेसकडूनच इगतपुरी-त्र्यंबकेश्वरचे विधानसभेत प्रतिनिधित्व केले होते. मागील निवडणुकीत विधानसभा निवडणुकीत ही जागा महाविकास आघाडीतील जागा वाटपात ठाकरे गटाला मिळाली नाही. त्यामुळे निर्मला गावित यांनी उमेदवारीसाठी काँग्रेसमध्ये परतण्याचा विचार केला होता. काँग्रेसने त्यांची दखल न घेतल्याने त्यांनी समर्थकांसह शिंदे गटात प्रवेश करण्याचा निर्णय घेतला.

ठाणे येथे एकनाथ शिंदे यांच्या उपस्थितीत गावित यांनी समर्थकांसह शिंदे गटात प्रवेश केला. यावेळी जिल्हाप्रमुख अजय बोरस्ते, माजी खासदार हेमंत गोडसे यांसह इतर पदाधिकारी उपस्थित होते.